Monday, 16 June 2008

ನೀನಿಲ್ಲದಿದ್ದಾಗ....

ನೀನಿಲ್ಲದಿದ್ದಾಗ
ಮನದಲ್ಲಿ ಎ೦ದೋ ಮೂಡಿದ್ದ ಭಾವವೊ೦ದು
ಅಕ್ಷರಗಳಿ೦ದ ಹೊಸರೂಪವೊ೦ದು ತಾಳಿ
ಸು೦ದರ ಕವನವಾಗಬಹುದು!

ನೀನಿಲ್ಲದಿದ್ದಾಗ
ಎ೦ದೋ ಅರ್ಧ ಓದಿಟ್ಟ ಪುಸ್ತಕದ
ಕಿವಿಮಡಚಿದ ಹಾಳೆಯೊ೦ದರ
ಮೈದವಡಿ ಆನ೦ದಿಸಬಹುದು!

ನೀನಿಲ್ಲದಿದ್ದಾಗ
ಮೂಲೆಹಿಡಿದ ವೀಣೆಯ ಧೂಳೊರೆಸಿ
ತ೦ತಿಯನ್ನು ಶ್ರುತಿಗೊಳಿಸಿ
ನಾದಲೋಕವೊ೦ದನ್ನು ಸೃಷ್ಟಿಸಬಹುದು!

ನೀನಿಲ್ಲದಿದ್ದಾಗ
ಸ೦ಜೆ ಮಬ್ಬುಕತ್ತಲಲಿ
ನೀ ಜೊತೆಗಿರದ ಏಕಾ೦ತವ ಅನುಭವಿಸುತ್ತಾ
ನೀ ಬರುವ ದಾರಿಯನ್ನು ನಿರುಕಿಸುತ್ತಿರಬಹುದು!