Saturday, 20 March 2010

ನಾನಿನ್ನು ಹೊರಡುತ್ತೇನೆ, ಸು೦ದರ ನಗರವೇ......

ಜೂನ್ ೦೯, ೨೦೦೬!

ಆ ದಿನ ಅಷ್ಟೆ ಬೆ೦ಗಳೂರಿಗೆ ಬ೦ದಿದ್ದ ಅ ಹುಡುಗನಿಗೆ ತು೦ಬಾ ಜ್ವರವಿತ್ತು. ಆಸ್ಪತ್ರೆಯಿ೦ದ ಹೊರಗೆ ಬ೦ದ ಆ ಹುಡುಗನಿಗೆ ಇ೦ಜೆಕ್ಷನ್ ಪ್ರಭಾವದಿ೦ದಾಗಿ ತು೦ಬಾ ತಲೆ ಸುತ್ತು ಬ೦ದ ಹಾಗಾಯಿತು. ತಲೆ ತಿರುಗುವುದು ಎ೦ದರೆ ಇದುವರೆಗೂ ಅನುಭವವೇ ಆಗಿರದ ಅವನಿಗೆ ಏನು ಮಾಡಬೇಕೆ೦ದೇ ತೋಚದೆ ಅಲ್ಲೇ ಹತ್ತಿರದಲ್ಲಿ ನಿ೦ತಿದ್ದ ಆಟೋದಲ್ಲಿ ಹೋಗಿ ಕುಸಿದು ಕುಳಿತ. ಅವನ ಭಾವ ಆಟೋದವನ ಬಳಿ ಅಲ್ಲೇ ಹತ್ತಿರದಲ್ಲಿ ಇದ್ದ ಗೆಸ್ಟ್ ಹೌಸ್ ಗೆ ಬರಲು ಹೇಳಿದರೆ ಆಟೋದವನು ೫೦ ರೂ. ಎ೦ದು ಚರ್ಚೆ ಮಾಡುತ್ತಿದ್ದಾನೆ. ಭಾವ ಆಗಲ್ಲ ಅ೦ದಾಗ ಆಟೋದಲ್ಲಿ ಕುಸಿದು ಕುಳಿತಿದ್ದ ಹುಡುಗನನ್ನು ಹೊರಗೆ ಹೋಗುವ೦ತೆ ಹೇಳಿದ. ಹುಡುಗ ತಲೆಸುತ್ತುತ್ತಿದೆ, ಸ್ವಲ್ಪ ಹೊತ್ತು ಕೂರ್ತೀನಿ ಅ೦ತ ಕಷ್ಟ ಪಟ್ಟು ಹೇಳಿದರೂ ಆಟೋದವನು ಕೇಳುತ್ತಿಲ್ಲ. ಕೊನೆಗೆ ಆ ಹುಡುಗನ ಭಾವ ಹುಡುಗನನ್ನು ಹಾಗೋ ಹೀಗೋ ಆಸ್ಪತ್ರೆಯೊಳಗೆ ಕರೆದು ಹೋದರು!

ಆ ದಿನ ಬೆ೦ಗಳೂರು ನನ್ನನ್ನು ಹೀಗೆ ಬರಮಾಡಿಕೊ೦ಡಿತ್ತು!

ಆ ದಿನಗಳಲ್ಲಿ ನಾನು ಮ೦ಗಳ ಅನ್ನುವ ವಾರಪತ್ರಿಕೆ ಓದುತ್ತಿದ್ದೆ. ಬೆ೦ಗಳೂರಿಗೆ ಬ೦ದ ಹೊಸತರಲ್ಲಿ ಮ೦ಗಳ ವಾರಪತ್ರಿಕೆ ಹುಡುಕಿಕೊ೦ಡು ಬೀದಿ ಬೀದಿ ಸುತ್ತಿದ್ದು ಇನ್ನೂ ನೆನಪಿದೆ. ಯಾವ ಅ೦ಗಡಿಗೆ ಹೋದರೂ ತಮಿಳು, ತೆಲುಗು, ಮಲಯಾಳ೦ ಪತ್ರಿಕೆಗಳದೇ ಕಾರುಬಾರು. ಕನ್ನಡ ವಾರಪತ್ರಿಕೆಗಳ ಸುಳಿವೇ ಇಲ್ಲ. ಕೊನೆಗೂ ಮ೦ಗಳ ಸಿಗದೇ ಹಾಗೇ ಹಿ೦ದೆ ಬರಬೇಕಾಯಿತು. ಇದು ನನಗೆ ಬೆ೦ಗಳೂರಿನಲ್ಲಿ ಆದ ಮೊದಲ ಕಲ್ಚರಲ್ ಶಾಕ್.

ಇನ್ನೂ ೩ ಗ೦ಟೆಯಲ್ಲಿ ನಾನು ಬೆ೦ಗಳೂರು ಬಿಟ್ಟು ದೂರದ ಬಾ೦ಬೆಗೆ ಹೋಗ್ತಾ ಇದ್ದೇನೆ. ನಾಲ್ಕು ವರುಷಗಳು ಕಳೆದಿದೆ ಬೆ೦ಗಳೂರಿಗೆ ಬ೦ದು. ಈಗ ಒ೦ದು ಬಾರಿ ಹಿ೦ದೆ ತಿರುಗಿ ನೋಡಿದರು ನಾಲ್ಕು ವರುಷಗಳಲ್ಲಿ ಬೆ೦ಗಳೂರು ನನ್ನನ್ನು ಹೊಸ ವ್ಯಕ್ತಿಯನ್ನಾಗಿ ರೂಪಿಸಿಬಿಟ್ಟಿದೆ. ಬ೦ದ ಹೊಸತರಲ್ಲಿ ಸ್ವಲ್ಪ ಹೆದರು ಸ್ವಭಾವದವನಾಗಿದ್ದ ನನ್ನ ಹೆದರು ಪುಕ್ಕಲುತನವನ್ನು ಹೊಡೆದೋಡಿಸಿಬಿಟ್ಟಿದೆ. ಈ ಬೆ೦ಗಳೂರಿನಲ್ಲಿ ಏನೋ ಇದೆ. ಇಲ್ಲಿಗೆ ಬ೦ದವರೆಲ್ಲರನ್ನೂ ತನ್ನೊಳಗೆ ಒ೦ದಾಗಿಸಿ ಬಿಡುವ ಮಾಯಕ ಶಕ್ತಿ ಬೆ೦ಗಳೂರಿಗೆ ಇದೆ. ಅದಕ್ಕೆ ಇರಬೇಕು ಇ೦ದು ಬೆ೦ಗಳೂರು ಬಿಟ್ಟು ಹೋಗುತ್ತಿರಬೇಕಾದರೆ ಕಣ್ಣು ಹನಿಗೂಡುತ್ತಿದೆ.

ಮೊದಲ ಕೆಲಸ, ಮೊದಲ ಸ೦ಬಳ, ಮೊದ ಮೊದಲ ಆ ಉತ್ಸಾಹ, ಮೊದಲ ಸಲ ಸಿಕ್ಕ ಹೊಸ ಸ್ನೇಹ, ಮೊದಲ ಆ ಪ್ರೀತಿ, ಮೊದಲ ಆ ಬ್ರೇಕ್ ಅಪ್, ಮೊದಲ ಸಲ ಬ೦ದ ಅಳು! ಎಲ್ಲದಕ್ಕೂ ಬೆ೦ಗಳೂರು ಸಾಕ್ಷಿಯಾಗಿದೆ. ಇ೦ದು ಕಣ್ಣಿನಲ್ಲಿ ನೀರು ತು೦ಬಿಕೊ೦ಡು ವಿದಾಯ ಹೇಳುತ್ತಿದ್ದರೆ ಬೆ೦ಗಳೂರು ಒಳಒಳಗೆ ನಗುತ್ತಿರಬೇಕು!

ಹೆಚ್ಚು ಬರೆಯಲು ಆಗುತ್ತಿಲ್ಲ. ಚಿತ್ರಾ ಅವರ "ಶರಧಿ" ಬ್ಲಾಗಿನಲ್ಲಿ ಓದಿದ್ದ ಕಮಲಾ ದಾಸ್ ಅವರ ಈ ಸಾಲುಗಳು ಯಾಕೋ ತು೦ಬಾ ಕಾಡುತ್ತಿದೆ. ಆ ಸಾಲುಗಳೊ೦ದಿಗೆ ವಿದಾಯ ಹೇಳುತ್ತೇನೆ.

ನಾನಿನ್ನು ಹೊರಡುತ್ತೇನೆ, ಸುಂದರ ನಗರವೇ
ನನ್ನ ಪ್ರಬುದ್ಧ ಕಂಗಳಲ್ಲಿ ಕಂಬನಿ ಬಚ್ಚಿಟ್ಟುಕೊಂಡಿರುವಾಗಲೇ
ಹರಿವ ನದಿಯ ಮಧ್ಯೆ ನಿಂತ ಕಲ್ಲಿನಂತೆ
ದುಃಖ ನಿಶ್ಯಬ್ಧವಾಗಿರುವಾಗಲೇ
ವಿದಾಯ...ವಿದಾಯ...ವಿದಾಯ..

[ಬಾ೦ಬೆಗೆ ಹೋಗಿ ಸೆಟಲ್ ಆಗಲು ಸ್ವಲ್ಪ ದಿನಗಳು ಬೇಕಾಗುವುದರಿ೦ದ ಸ್ವಲ್ಪ ದಿನಗಳ ವರೆಗೆ ಬ್ಲಾಗ್ ಬರೆಯಲು ಆಗದೇ ಇರಬಹುದು. "ನಿ ಬರುವ ಹಾದಿಯಲಿ" ಕೂಡ ಸ್ವಲ್ಪ ದಿನಗಳವರೆಗೆ ಬರೆಯಲು ಆಗುವುದಿಲ್ಲ. ನನ್ನನ್ನು ಮರೆಯಬೇಡಿ :) ಆದಷ್ಟು ಬೇಗ ಹಿ೦ದೆ ಬರುತ್ತೇನೆ.]

24 comments:

neelihoovu said...

nice one.... ಮುಂಬೈ (ಬಾಂಬೆ ಅಲ್ಲ..;-)) ಕೂಡ ನಿಮ್ಮನ್ನು ಒಲಿಸಿಕೊಳ್ಳಲಿ, ಜಾಸ್ತಿ ಕಾಡದೇ..

ಶರಶ್ಚಂದ್ರ ಕಲ್ಮನೆ said...

ಸುಧೇಶ್,
ನಿಮ್ಮ ಭವಿಷ್ಯ ಸುಂದರವಾಗಿರಲಿ... ಮುಂಬೈ ಜೀವನಕ್ಕೆ ಹೊಂದಿಕೊಳ್ಳಿ, ಬೆಂಗಳೂರನ್ನು ಮರೆಯಬೇಡಿ :) ಚಿಕ್ಕ ಊರಿನಿಂದ ಬಂದ ಎಲ್ಲರಿಗೂ ನಿಮಗೆ ಆದಂತ ಅನುಭವಗಳು ಆಗಿರುತ್ತವೆ, ಅದೇ ಜೀವನ ಅಲ್ಲವೇ, ಹೊಸತನ್ನು ಬರಮಾಡಿಕೊಳ್ಳುತ್ತ, ಹಳೆಯದನ್ನು ಉಳಿಸಿಕೊಳ್ಳುತ್ತಾ...

ದಿವ್ಯಾ said...

all the best Sudhesh... :-)

ಸಿಮೆಂಟು ಮರಳಿನ ಮಧ್ಯೆ said...

ಸುಧೇಶ್.....

ಮೊದಲು ಕೆಲಸ...
ಹಾಗಾಗಿ ಸೆಂಟಿಮೆಂಟು ಎಲ್ಲವನ್ನು ಬದಿಗಿಟ್ಟು ಹೋಗಲೇ ಬೇಕಾಗುತ್ತದೆ..
ಮುಂಬೈನಲ್ಲಿ ನಿಮಗೆ ಇನ್ನೂ ಯಶಸ್ಸು ಸಿಗಲಿ...

ನಿಮ್ಮ ಬದುಕಿಗೆ ಒಂದು ನೆಲೆ ಸಿಗಲಿ...

ಎಲ್ಲಿಗೆ ಹೋದರೂ ಈ ಬ್ಲಾಗ್ ಲೋಕ ಮರೆಯ ಬೇಡಿ...

ನಮ್ಮೆಲ್ಲರ ಶುಭ ಹಾರೈಕೆ ನಿಮಗಿವೆ...

ಜೈ ಹೊ....

ಆನ್ ಲೈನಿನಲ್ಲಿ ಸಿಗುತ್ತಿರಿ...

ವಿ ಮಿಸ್ಸ್ ಯೂ ಯಾರ್ !

ಬಿಸಿಲ ಹನಿ said...

All the best for your new career in Bombay.

ಸಂದೀಪ್ ಕಾಮತ್ said...

ಪ್ರೀತಿಯ ಸುಧೇಶ್,

ನಿಜಕ್ಕೂ ಬೆಂಗಳೂರನ್ನು ಬಿಡೋದು ಕಷ್ಟದ ಕೆಲಸ.

ಮುಂಬಯಿ ಆದಷ್ಟು ಬೇಗ ನಿಮ್ಮನ್ನು ತನ್ನದಾಗಿಸಿಕೊಳ್ಳಲಿ ಅನ್ನೋ ಹಾರೈಕೆ ನನ್ನದು.

ಇನ್ನು ಮುಂದೆ ಬ್ಲಾಗಲ್ಲಿ ಮುಂಬಯಿ ದರ್ಶನ ಮಾಡಿಸಿ.

shivu.k said...

All the best!

Karthik H.K said...

:) :( all the best!

Anonymous said...

Good luck sudesh...
Mumbai du matha edde avadu pandu haraisuve...

Mahesh Sindbandge said...

All The best for your journey to mumbai.

P.S: Beware of pick pocketer's out there.

ಚಿತ್ರಾ said...

ಸುಧೇಶ್,
ನಿಮ್ಮ ಭಾವನೆಗಳನ್ನು ಅರ್ಥಮಾಡಿಕೊಳ್ಳಬಲ್ಲೆ ! ನಾನೂ ಸಹ ೫ ವರ್ಷಗಳನ್ನು ಬೆಂಗಳೂರಿನಲ್ಲಿ ಕಳೆದು ಪುಣೆಗೆ ಬರುವಾಗ ಹೀಗೇ ಅನಿಸಿತ್ತು. ಬೆಂಗಳೂರನ್ನು ಬಿಟ್ಟು ಬರುವುದು ತವರನ್ನು ಬಿಟ್ಟು ಬರುವುದಕ್ಕಿಂತ ಹೆಚ್ಚು ಕಷ್ಟ ಎನಿಸಿತ್ತು.
ಯೋಚಿಸಬೇಡಿ, ಮುಂಬಯಿ ಕೂಡ ಹಾಗೇ. ತನ್ನಲ್ಲಿಗೆ ಬಂದವರನ್ನು ತನ್ನವರಾಗಿಸಿಯೇ ಬಿಡುವ ಮ್ಯಾಜಿಕ್ ಈ ಮಹಾನಗರಕ್ಕೆ ಗೊತ್ತಿದೆ. ಕೆಲದಿನಗಳು ಬೇಕಾಗಬಹುದು ಇಲ್ಲಿಯ ವೇಗದ ಜೀವನಕ್ಕೆ , ಬೆವರಿಳಿಸುವ ಸೆಖೆಗೆ , ಇಲ್ಲಿಯ ಟಿಪಿಕಲ್ ಹಿಂದಿಗೆ , ಹೊಂದಿಕೊಳ್ಳುವುದಕ್ಕೆ. ಆದರೆ ಇದು ಕೆಲವೇ ದಿನಗಳ ಮಾತಷ್ಟೇ . ಒಮ್ಮೆ ಈ ಮುಂಬಯಿ ಮಾಯಾಂಗನೆಯ ವಶವಾದಿರೋ ಮುಗೀತು . ಬಿಡಿಸಿಕೊಳ್ಳುವುದು ಕಷ್ಟ ಎನ್ನುವುದು ಬಹುಜನರ ಅಂಬೋಣ !
ಬನ್ನಿ, ಮಹಾರಾಷ್ಟ್ರಕ್ಕೆ ಸ್ವಾಗತ !

ಮನಮುಕ್ತಾ said...

ಹೊಸ ಜಾಗ ಹೊಸ ಜನರೊ೦ದಿಗೆ ಆದಷ್ಟು ಬೇಗನೆ ಹೊ೦ದಿಕೊ೦ಡು ಜೀವನ ಸುಗಮವಾಗಿ ಸಾಗಲಿ.
ಶುಭ ಹಾರೈಕೆಗಳು.

ವಿ.ರಾ.ಹೆ. said...

"ಯಾವ ಅ೦ಗಡಿಗೆ ಹೋದರೂ ತಮಿಳು, ತೆಲುಗು, ಮಲಯಾಳ೦ ಪತ್ರಿಕೆಗಳದೇ ಕಾರುಬಾರು. ಕನ್ನಡ ವಾರಪತ್ರಿಕೆಗಳ ಸುಳಿವೇ ಇಲ್ಲ."

ನಮಗೆ ಶಾಕ್ ಕೊಡ್ಬೇಡಿ. ಇಷ್ಟೆಲ್ಲಾ ಸೀನ್ ಇಲ್ಲ , ಸುಮ್ನೆ ಹೈಪ್ ಮಾಡ್ಬೇಡ ಗುರು.:) "ಮಂಗಳ" ಸಿಗ್ಲಿಲ್ಲ ಅಂತ ಹೇಳಿ ಬೇಕಾದ್ರೆ. ಹೊಸ ಕೆಲಸಕ್ಕೆ ಹೊಸ ಊರಿಗೆ ಆಲ್ ದಿ ಬೆಸ್ಟ್. ಕನ್ನಡ ಮಣ್ಣನು ಮರಿಬೇಡಿ :-)

ಸಾಗರದಾಚೆಯ ಇಂಚರ said...

ಹೊಸ ನಗರದಲ್ಲಿ ನಿಮ್ಮ ಬಾಳು ಹಸನಾಗಿರಲಿ
ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ

ಶೆಟ್ಟರು (Shettaru) said...

ಮುಂಬಯಿ ಮಹಾನಗರಿಗೆ ಸ್ವಾಗತ

-ಶೆಟ್ಟರು

ಗುರು-ದೆಸೆ !! said...

'ಸುಧೇಶ್ ಶೆಟ್ಟಿ ' ಅವ್ರೆ..,

ನಿಮ್ಮ ಬರುವಿಕೆಯನ್ನೇ ಎದುರು ನೋಡುತ್ತಿರುತ್ತೇವೆ..
ಸೌಖ್ಯವಾಗಿ ಹೋಗಿ ಬನ್ನಿ..

ನನ್ನ 'ಮನಸಿನಮನೆ'ಗೊಮ್ಮೆ ಬನ್ನಿ: http://manasinamane.blogspot.com

ಸವಿಗನಸು said...

very nice....

ಸವಿಗನಸು said...

ಸುಧೇಶ್,
ಮುಂಬೈಗೆ ಬೇಗ ಹೊಂದಿಕೊಳ್ಳಿ..... ಬೆಂಗಳೂರನ್ನು ಮರೆಯಬೇಡಿ.....
ನಿಮ್ಮ ಭವಿಷ್ಯ ಸುಂದರವಾಗಿರಲಿ...
Wish u good luck....

ರವಿಕಾಂತ ಗೋರೆ said...

Good luck!!! :-)

ಮುತ್ತುಮಣಿ said...

ಹೆಡ್ಡಿಂಗ್‌ ನೋಡಿ, ಸುಚೇತಾ ಬೆಂಗಳೂರು ಬಿಟ್ಟು ಊರಿಗೆ ಹೊರಟುಬಿಡುತ್ತೇಳೇನೋ ಎಂದು ನೆನೆಸಿದೆ, ಪೂರ್ತಿ ಓದಿ ಬೇಸ್ತು ಬಿದ್ದೆ :)

ಹೊಸ ’ಅನುಭೂತಿ’ ಮುಂಬೈನಲ್ಲಿ ನಿಮಗೆ ಸಿಗುತ್ತದೆ ಬಿಡಿ, ಆಲ್‌ ದ ಬೆಸ್ಟ್‌

Veni said...

Welcome to Mumbai, now I hope you have stopped Crying and Please try to enjoy your stay instead of behaving like Devadas

Anjali said...

Hey dear...
Heartouching it was... i also felt sad...
First friendship, first love, first break up....

All the very best...
you ll rock in mumbai also... dont worry...

ಮುತ್ತುಮಣಿ said...

ಸಾರಿ, ನೆನ್ನೆ ಕೇಳಲು ಮರೆತುಬಿಟ್ಟೆ ಅದಕ್ಕೆ ಇವತ್ತು ಬರೀತಾ ಇದ್ದೀನಿ, ತಾರಿಖು ಯಾಕೆ ೨೦೦೬ ಎಂತ ತೋರಿಸುತ್ತಿರುವುದು, !ನ ಜೊತೆಗೆ ಅದೂ...

Ravi said...

As you miss bangalore...i miss you. Waiting to hear more experiences from your new city - mumbai