ಈ ತೀರದಲ್ಲೀಗ ಕತ್ತಲು
ನಾನು ಚೆನ್ನಾಗಿದ್ದೇನೆ...
ಕಾರಣಗಳು ಇಲ್ಲ ಅಂತೇನಿಲ್ಲ
ಚೆನ್ನಾಗಿಲ್ಲದಿರಲು!
ಕೋಣೆಯಲ್ಲಿ ಇನ್ನೂ ಸತ್ತು ಮಲಗಿದೆ
ನಾನೇ ಬಡಿದು ಕೊಂದ ಲಕ್ಷ್ಮಿ ಚೇಳು
ಇನ್ನು ರಾತ್ರಿ ಮಲಗಿದ ಹಾಗೆಯೇ
ಅಮ್ಮ ಚೇಳು ಕಡಿದು
ಸೇಡು ತೀರಿಸಿಕೊಳ್ಳಬಹುದೇ?
ಇವೆಲ್ಲವನ್ನೂ ಪರಿಗಣಿಸಿದರೆ
ಹೌದು ಚೆನ್ನಾಗಿಲ್ಲ ನಾನು!
ನನ್ನ ಮನದಲ್ಲಿ ನೀರವ ಮೌನ
ಕಾರಣ ಹುಡುಕುತ್ತಿದ್ದೇನೆ
ಎಲ್ಲೋ ಗಾಡಿ ಓಡುವ ಸದ್ದು
ಇರುಳಿನಲ್ಲೂ ಧಾವಂತಕ್ಕಿಲ್ಲ ವಿಶ್ರಾಂತಿ
ಈ ವಿಷಯಗಳಲ್ಲ ನಾ ಹೇಳ ಹೊರಟಿದ್ದು
ಬಿಡು, ಎಲ್ಲವನ್ನೂ ಹೇಳಬೇಕಾದ ಜರೂರತ್ತೇನಿದೆ?
ಹೇಗಿದ್ದೀಯ ನೀನು?
ಆ ತೀರದಲ್ಲಿನ ಸಂಗತಿಗಳೇನು?
Comments
ಮೌನ ಮೌನಗಳ ಮಾತುಕತೆಯಂತೆ ತೋರುತ್ತದೆ..
ಇದಕ್ಕೊಂದು ಉತ್ತರ ನನ್ನ ಬ್ಲಾಗ್ ನಲ್ಲಿ ಶೀಘ್ರವೇ ಬರಲಿದೆ .
ಚೆನ್ನಾಗಿದೆ
ಬಹಳ ಬಹಳ ದಿನಗಳ ನಂತರ ನಿಮ್ಮ ಬ್ಲಾಗ್ ಓದುತ್ತಿದ್ದೇನೆ. ನಿಮ್ಮ ಈ ಪದ್ಯ ಬೇರೆ ಸ್ತರದಲ್ಲಿ ಇದ್ದ ಹಾಗನಿಸಿತು! - ನಾವು ದಸರೆ ರಜದಲ್ಲಿ ವಾಪಾಸ್ ಬಂದು ಮತ್ತೆ ಬೇಸಿಗೆ ರಜೆಗೆ ಊರಿಗೆ ಹೋದರೆ ಅಜ್ಜಿ " ಅರೆ ಎಷ್ಟು ಬೆಳೆದುಬಿಟ್ಟಿದಿಯ" ಅನ್ನುತ್ತಿದ್ದ ಹಾಗೆ :)
ಮಿಸ್ ಆಗಿರುವ ನಿಮ್ಮ ಹಳೆಯ ಪೋಸ್ಟ್ ಗಳೆಲ್ಲ ಒಂದೊಂದಾಗಿ ಓದುವೆ ಲಿಂಕ್ ಸಿಗಬಹುದು :)