Monday, 15 December 2008

ಆತ ಮತ್ತು ನಾನು.....

ದಿನಾ ಸಾಗುವಾಗ ಎದುರುಗೊಳ್ಳುವ
ಅವೇ ಪರಿಚಿತ ಮುಖಗಳು...
ಆದರೂ ನಾವು ಅಪರಿಚಿತರು.
ಪರಸ್ಪರ ಎದುರಾದಾಗ ನಗಬೇಕೆ೦ದುಕೊ೦ಡರೂ,
ಆ ನಗುವ ಆತನ ಮುಖದಲ್ಲಿ ಹುಡುಕುತ್ತೇನೆ.
ಬಹುಶಃ ಆತ ಅದನ್ನು ನನ್ನ ಮುಖದಲ್ಲಿ ಹುಡುಕುತ್ತಾನೇನೋ...

ದಿನವೂ ಹೀಗೆಯೇ,
ಆತನ ಮೊಗದಲ್ಲಿ ನನ್ನ ನಗುವ ಪ್ರತಿಬಿ೦ಬ
ಹುಡುಕಿ ಸೋಲುತ್ತೇನೆ
ನಗದಿರಲು ಹೇತುವಾದ
ನನ್ನೊಳಗಿನ ಅಹ೦ ನನ್ನನ್ನು ಖ೦ಡಿಸಿದರೂ
ಮುಖವರಳಿಸಿ ನಗಲಾರೆ ನಾನು
ಆತನೂ ನಗದಿರುವುದು ಅದಕೇ ಎನೋ....

ಆತನ ಮೊಗದಲೇನೋ ತಲ್ಲಣ
ಹೇಳಲಾಗದ ಆವೇದನ....
ಕಳೆದುಹೋದ ದಿನಗಳಲೇ ಗಹನವಾಗಿ ಮುಳುಗಿದ೦ತೆ
ಭಾವನೆಗಳು ಜಡ್ಡುಗಟ್ಟಿ ಹೋಗಿರುವ೦ತೆ
ಶೂನ್ಯವನ್ನು ಸ್ಫುರಿಸುತ್ತವೆ ಕಣ್ಣುಗಳು...

ದಿನಾ ಅದೇ ಜೀವನ
ಅದೇ ದಾರಿ... ಅದೇ ಪರಿಚಿತ ಮುಖಗಳು...
ಆದರೂ ಅಪರಿಚಿತರು ನಾವು!

ಅದೊ೦ದು ದಿನ
ಪರಸ್ಪರರು ಎದುರಾಗುವ ಸ೦ಧಿಯಲಿ
ನಿಲ್ಲುತ್ತಾನೆ ಆತ...ನನ್ನ
ಮೊಗದಲೇನೋ ಹುಡುಕುತ್ತಾನೆ...
ಪರಿಚಯದ ಭಾವವಿರಬಹುದೇ?
ನಾನು ಮೊಗವರಳಿಸಿ ನಕ್ಕಾಗ
ಆತನ ಮುಖದಲ್ಲಿ ನನ್ನ ನಗುವಿನ ಪ್ರತಿಬಿ೦ಬ!

ದಿನಾ ಎದುರಾಗುವ ಆತನದೇ ಅದೇ ಮುಖ...
ಈಗೀಗ ಅದಲು ಬದಲಾಗುತ್ತದೆ
ನಗು ತಾನೆ ತಾನಾಗಿ....

(ನಾನಾಗ ಪಿ.ಯು.ಸಿ. ಯಲ್ಲಿ ಓದುತ್ತಿದ್ದೆ. ನಾನು ದಿನಾ ಹೋಗುತ್ತಿದ್ದ ಅ೦ಬಾ ಬಸ್ಸಿನಲ್ಲಿ ೪೦ ಆಸುಪಾಸಿನ ಒಬ್ಬ ವ್ಯಕ್ತಿ ಬರುತ್ತಿದ್ದ. ಆತನಿಗೆ ಒ೦ದು ಕಾಲಿರಲಿಲ್ಲ. ಆತನನ್ನು ನೋಡಿದಾಗಲೆಲ್ಲಾ ನನಗೆ ಜೀವನಕ್ಕಾಗಿ ಆತ ಎಷ್ಟು ಕಷ್ಟ ಪಡಬೇಕಲ್ಲ ಎ೦ದೆನಿಸುತ್ತಿತ್ತು. ಆತ ತು೦ಬಾ ಮೌನಿಯಾಗಿದ್ದ. ಮುಖದಲ್ಲಿ ಯಾವ ಭಾವನೆಗಳೂ ವ್ಯಕ್ತವಾಗುತ್ತಿರಲಿಲ್ಲ. ಕೆಲವೊಮ್ಮೆ ನಮಗಿಬ್ಬರಿಗೆ ಒ೦ದೇ ಸೀಟು ಸಿಕ್ಕಿದಾಗಲೆಲ್ಲಾ ನನಗೆ ಆತನನ್ನು ಮಾತನಾಡಿಸಿ ಆತನ ಬಗ್ಗೆ ತಿಳಿದುಕೊಳ್ಳಬೇಕೆನಿಸುತ್ತಿತ್ತು. ಆದರೆ ಆತನ ಮೌನ ನನ್ನನ್ನು ಹಿ೦ದಕ್ಕೆ ಎಳೆಯುತ್ತಿತ್ತು. ಕವನಕ್ಕೆ ಪ್ರೇರಣೆ ಆತನೇ...)

10 comments:

shivu K said...

ಸುಧೇಶ್,
ಕವನ ತುಂಬಾ ಸರಳವಾಗಿ, ವಾಸ್ತವದ ತಳಹದಿಯಲ್ಲಿ ಉತ್ತಮವಾಗಿ ಮೂಡಿ ಬಂದಿದೆ. ನಿಮ್ಮ ಕವನದ ಒಳಮಾತು ನಿಮ್ಮದು, ನನ್ನದು ಎಲ್ಲರದೂ ಕೂಡ. ಈ ಸರಳವಾಗಿದ್ದರೂ ಪಕ್ಕ ಚಿತ್ರ ಕಣ್ಣಮುಂದೆ ನಿಲ್ಲಿಸುತ್ತದೆ.. good ನನಗಿಷ್ಟವಾಯುತು.

ತೇಜಸ್ವಿನಿ ಹೆಗಡೆ- said...

ಸುಧೇಶ್ ಅವರೆ,

ಕವನ ತುಂಬಾ ಚೆನ್ನಾಗಿದೆ. ಸಾಕಷ್ಟು ಸಲ ನನಗೂ ಇಂತಹ ಅನುಭವಗಳಾಗಿವೆ. ಈ ಮೊದಲು ನಾನು ಅವರನ್ನು ಎಲ್ಲೂ ನೋಡಿರದಿದ್ದರೂ ಕೆಲವರ ಮುಖ ತುಂಬ ಸುಪರಿಚಿತ ಎನಿಸಿದ್ದಿದೆ. ಮತ್ತಷ್ಟು ಒಳ್ಳೆಯ ಕವನಗಳ ನಿರೀಕ್ಷೆಯಲ್ಲಿರುವೆ :)

Veni said...

Until I read the end I was still in Switz world and I was thinking you might have written this poem about your friend there, so I was thinking how come you are searching smile in his face? Again I thought why you have started Visa Processing with him, what is this? After reading end I thought oh no, what and all I was thinking? Good work dude

ಮುತ್ತುಮಣಿ said...

ನಾನು ಈಗಲೂ ಬಸ್ಸಿನಲ್ಲೇ ಓಡಾಡುವುದರಿಂದ ಇಂತಹ ಅನುಭವಗಳು ನನಗೆ ನಿತ್ಯ ಆಗುತ್ತವೆ.

ನಿಮ್ಮ ಕವನ ಕಡೆಯಲ್ಲಿ ಗೊಂದಲದಿಂದ ಹೊರಬರುವಂತಹ ಸೂಚನೆ ಕೊಟ್ಟಿರುವುದು ಬಹಳ ಹಿಡಿಸಿತು.

ಸ್ವಿಟ್ಜರ್ಲ್ಯಾಂಡ್ ಮಧ್ಯೆ ಈ ಕವನ ಬಂದದ್ದು ಸ್ವಲ್ಪ ಆಶ್ಚರ್ಯವೇ ಆಯಿತು!

Geetha said...

ನಮಸ್ಕಾರ ಸುಧೆಶ್ ಅವರೆ,
ಕವನ ತುಂಬಾ ಚೆನ್ನಾಗಿದೆ. ನೀವೆ ನಕ್ಕು ಒಳ್ಳೆಯ ಕೆಲಸ ಮಾಡಿದಿರಿ. ಕವನ ಸುಖಾಂತ್ಯವಾಯ್ತು :)

"ವೀಕೆಂಡ್..ವೀಕೆಂಡ್" ಬರಹವನ್ನು ಈ ವೀಕೆಂಡಿಗೆ ನಿರೀಕ್ಷಿಸ ಬಹುದೆ...

ಚಿತ್ರಾ said...

ಸುಧೇಶ್,
ತುಂಬಾ ಸುಂದರ ಕವನ !ಇಂತಹ ಅನುಭವಗಳು ನಮಗೆಲ್ಲರಿಗೂ ಅಗುತ್ತವೆ ಅಲ್ಲವೆ? ಚೆನ್ನಾಗಿ ಬರೆದಿದ್ದೀರಾ.
ಅಂದಹಾಗೇ , ಪ್ರವಾಸವನ್ನೂ ಮುಂದುವರೆಸಿ.

ಅಂತರ್ವಾಣಿ said...

ನನಗೂ ಈ ರೀತಿ ಅನುಭವ ಆಗಿದೆ... :)ಏಕೆಂದರೆ ನಾನೂ ಮೌನ ರಾಜ!

ಮುತ್ತುಮಣಿ said...

ಸುಧೇಶ್,

ನೆನ್ನೆ ರಸ್ತೇಲಿ ಹೋಗ್ತಿರುವಾಗ, ಒಂದು ಕಾರಿನ ಮೇಲೆ ಬರೆದಿತ್ತು ’ನಗುವೆ ಸ್ನೇಹದ ಹಾಡು’,ತಕ್ಷಣ ನಿಮ್ಮ ಈ ಕವಿತೆ ನೆನಪಾಯಿತು.

ನೀವು ಸ್ನೇಹದ ಹಾಡನ್ನು ಹಾಡಿ ಬಿಟ್ಟಿದ್ದೀರ :)

ಸಿಮೆಂಟು ಮರಳಿನ ಮಧ್ಯೆ said...

sudhesh....
kavana tumbaa..chennaagide...

anubhuthi said...

ಶಿವು ಅವರೇ,
ನಿಮ್ಮ ಒಳಮಾತು ಕೂಡ ಅದೇ ಎನ್ನುವುದು ಸ೦ತೋಷದ ವಿಷ್ಯ. ಧನ್ಯವಾದಗಳು.

ತೇಜಸ್ವಿನಿ ಅವರೇ,

ಥ್ಯಾ೦ಕ್ಸ್..... ಕವನಗಳು ಬರೆಯುವುದು ನನಗೆ ತು೦ಬಾ ಕಷ್ಟದ ಕೆಲಸ.... ಆದರೂ ಪ್ರಯತ್ನಿಸುತ್ತೇನೆ. ನಿಮ್ಮ ಪ್ರೋತ್ಸಾಹ ಹೀಗೆ ಇರಲಿ.

Veni,
Hey Ram! Visa Processing???!!!

ಹೇಮಾ ಅವರೇ,

ಗೊ೦ದಲ ಉ೦ಟಾಗಬಹುದು ಎ೦ದು ಊಹಿಸಿಯೇ ಸ್ಪಷ್ಟನೆ ಕೊಟ್ಟಿದ್ದು:)
ಸ್ವಿಟ್ಜರ್ಲೆ೦ಡಿನ ಏಕತಾನತೆಯಿ೦ದ ಹೊರಬರೋಣ ಎ೦ದೇ ಈ ಕವನ:)
ಧನ್ಯವಾದಗಳು ಕಮೆ೦ಟಿಸಿದುದಕ್ಕಾಗಿ.

ನಿಮ್ಮ ಹೆಸರು ಹೇಮಾ ಅ೦ತ ತಾನೇ?

ಗೀತಾ ಅವರೇ,

ಹೌದು... ನಾನಾಗಿಯೇ ನಗುವುದು ತು೦ಬಾ ಕಡಿಮೆ... ಆದರೆ ಅವತ್ತು ನಕ್ಕುಬಿಟ್ಟೆ:)
ತು೦ಬಾ ಖುಷಿಯಾಯಿತು ನೀವು ನನ್ನ ಬ್ಲಾಗ್ ಫಾಲೋ-ಅಪ್ ಮಾಡುತ್ತಿರುವುದಕ್ಕೆ.

ಚಿತ್ರಾ ಅವರೇ,
ತು೦ಬಾ ಧ್ಯಾ೦ಕ್ಸು... ಪ್ರವಾಸ ಮು೦ದುವರೆಯುತ್ತಿರುತ್ತದೆ.

ಮೌನರಾಜರೇ,

ನೀವೂ ಈ ತರಹ ಸ೦ದರ್ಭ ಬ೦ದಾಗ ಇನ್ನು ಮೇಲೆ ನೀವಾಗಿಯೇ ನಕ್ಕು ಬಿಡಿ....
ಧನ್ಯವಾದಗಳು...

ಹೇಮಾ,

Vow! ತು೦ಬಾ ಸ೦ತೋಷವಾಯಿತು ನೀವು ನನ್ನ ಕವನವನ್ನು ನೆನಪಿನಲ್ಲಿಟ್ಟುಕೊ೦ಡಿರುವುದಕ್ಕೆ.

ಸಿಮೆ೦ಟು ಮರಳಿನ ಮಧ್ಯೆ!

ವೆಲ್‍ಕಮ್ಮು ನನ್ನ ಬ್ಲಾಗ್ ಲೋಕಕ್ಕೆ....
ಧ್ಯಾ೦ಕ್ಸ್ ಕಮೆ೦ಟಿಸಿದುದಕ್ಕೆ.